الأردنيون منقسمون حول التعايش مع كورونا وعودة التعلم عن بعد

انقسم الأردنيون، بين مؤيد ومعارض، بشأن البقاء على آلية التعليم عن بعد بالنسبة لطلبة المدارس في الأردن مع استمرار انتشار الإصابات المحلية بفيروس كورونا وبلوغها عددا من المدارس بمناطق المملكة.

اقرأ أيضاً : الأردن يعيد تسيير الرحلات الجوية المنتظمة وسط إجراءات مشددة لمواجهة كورونا

وشارك الآلاف في الإجابة على تساؤل بهذا الشأن طرحته "رؤيا" عبر صفحتها الإخبارية الرسمية.

وكان نص السؤال "في ظل ارتفاع الإصابات بفيروس كورونا في المدارس، هل تؤيدون التعلم عن بعد حفاظا على سلامة أبنائكم الطلبة؟".

وكان اللافت أن الغالبية العظمى من الردود، تنادي بالتعايش مع الفيروس واستمرار الحياة على طبيعتها مع الأخذ بإجراءات الوقاية والسلامة العامة.

وقالت ياسمين سبيتاني"لازم التعايش مع الوباء لحد ما ربنا يزيل الغمة عنا ونلاقي علاج إذا المدارس عطلت كل الاولاد بالشارع راح يضلوا يعني المدارس كورونا والشارع والحارة لاء".

وكتبت سلام محمد "طبعا لا لانوا ما في كورنا من الاساس والتعلم عن بعد فاشل ودمر اولادنا مسلسل كورنا كثير طول لازم يخلص لانوا قرفنا الحياة".

أما بشرى العطياني فقالت " لا ضد التعلم عن بعد فاشل نعلمهم يتعايشوا مع الوباء هاد مرض بجوز لسنتين و اكتر تخيل تتوقف الحياة هيهم الاطفال بروحوا مولات وملاهي ومشاركين نوادي ومسابح لعاد خلوهم بالبيت وما تطلع فيهم مكان ودايما نستودعهم لله و ربنا الحامي".

فيما أجابت هبة ذيب قائلة "لا عن بعد ولا عن قرب لو انا عندي ولد بالمدرسة بأجله السنه الدراسيه ولا انه يمرض ...التعليم عن بعد ما اثبت نجاحه ميه بالميه وعن قرب بضر صحه اولادنا".

وكتبت هديل الردايدة "نتعايش مع المرض لانه ممكن يضل لفترة طويلة بوقتها شو رح يصير بده يضل عن بعد... ولا شكله بده يصير جهل بجيل كامل؟ زينا زي باقي الدول الي رجعت المدارس والطلاب.... الطلاب اذا ما كان تعليم مباشر من المعلمه راح فيها لانه ما رح يستوعب من الام و الاب زي المعلمة".

وكتب محمد قنديل "لا نؤيد ، لانه التعليم عن بعد إضاعة جيل كامل واحنا عارفين خزوقنا ، واللي يعتقد انه سوف تتم السيطره على الوباء باعتقادي هو مفصول عن الواقع".