طلبة مدارس
أردنيون: أقساط المدارس الخاصة "غير منطقية وتستغل حاجتنا لها"
انتقد أردنيون عبر موقع التواصل الاجتماعي فيسبوك، أقساط المدارس الخاصة، التي أصبحت ثقل كاهل العديد من الاسر، وأجبرت أخرى على نقل أبنائها الى المدارس الحكومية.
وكشف استطلاع أجرته "رؤيا" عبر فيسبوك، أن 91% من المستطلعة أرائهم يرون أن أقساط المدارس الخاصة في ظل أزمة كورونا "غير منطقية"، بينما اكتفى 9% بأنها منطقية ولم تتغير.
وشارك في الاستطلاع الذي نشر عبر "رؤيا الاخباري" على فيسبوك، أكثر من 60 ألف شخص.
ناشطون انتقدوا أقساط المدارس الخاصة، في ظل وجود التعليم عن بعد الفصل الدراسي الثاني الماضي، بالاضافة الى انه قد تظطر الحكومة الى اللجوء الى التعليم عن بعد في حال تطور الوضع الوبائي في الاردن "لا قدر الله".
وتالياً أبرز ردود فعل الاردنيين على أقساط المدارس الخاصة:
Loulou Tulip : أبدا أبدا مو منطقيه، أسعار خياليه جدا ما بعرف ليه،،،!!!!!!! الله المستعان
Nesreen Salah : لا مش منطقيه لانه بالاخر رح يصفو بالبيت ويصير التعليم عن بعد ونصير ندفع اقساط عشان شو عشان شويه فيديوهات اتصورت وانبعتت للامهات ولا عشان شو
Falasteen Khalifa : طبعا مش منطقية والأدهى وامر من هيك ما بيعطو المعلمين رواتبهم بحجة ما اشتغلو لعاد بتوخدو من الناس باي حق... حسبي الله ونعم الوكيل بطمع العالم
Somaya ALhayek: خاصه وبدرسو عن بعد والاعتماد ع الام وبالاخر مصاري عفق خافو الله
اقرأ أيضاً : التربية لـ "رؤيا": لا قرار بالتدريس عن بعد حتى الآن.. والطلبة سيعودون إلى مقاعد الدراسة
Um Abdulrahman : مش منطقي بس التدريس والاهتمام ومراعاة مشاعر الطالب أولوية عندهم وتدريس ونشاطات لا يعلى عليها
Malak Gharabli: طبعا مش منطقيه لما ادور مدرسه لابني kg2 قسطها 1400 دينار خير اللهم اجعله خير رايح يدرس طب يعني هل يعقل انه يروح يلعب ويرسم ويتعلم الف وباء وبابا وماما في هاي المرحله في هيك قسط والله بالجامعه درست موازي فصلين كنت ادفع هيك سعر
أم بشار العموش: لا مش منطقي لانو مافي دوام بالبيت هم الى يدرسو لانو طالب مايستفيد اشي مع وضع كورونا اقساطها غاليه كثير
محمد الحوراني: اكيد مش منطقية من قبل الكورنا والمدراس الخاصة عبارة عن تجارة واهم اشي عندهم العملة
Rawan A Hailat: لاااا مو منطقيه ابداا انا ساكنه بضاحيه الرشيد ومش قادره الاقي لبنتي kg2 روضه اقساطها اقل من الف دينار هاد منطق!!!! والله لو قسط طالب طب موهيك
Sa'ida Nasr: عمرها ماااكانت منطقية.. والشيء المخزي رواتب معلمينهم متدنية وهم بشكل عام مخلصين في تعليمهم للطلاب
Ezdehar Alqadry: ازا بصورلكم اقساط المدارس بخلدا وتلاع العلي حق شقه ورفضوا خصم اي دينار والتعليم الخاص مابنقدر ندخل هاد كلامهم
Rami Salameh : المفروض في رقابة من وزارة التربية والتعليم على تسعيرة المدارس الخاصه وتنشر في الصحف الرسمية
Shaker Hilmi Al-Asa'ad: حطو ولادكم بمدارس الحكومة و حطو مصاري الخاصة رصيد بأسم ولادكم بالبنك و بالصيف سجلوهم دورات و نوادي و مخيمات ولادكم اولى بالمصاري من ولاد اصحاب المدارس
Mohammed Momani: التعليم الخالص صار استغلال للناس بسبب المدارس الحكوميه
Maisoon Ghannam: لا... غير منطقية إطلاقآ سواء من السنوات السابقة...للوقت الراهن...
