تفاعل الآلاف من الأردنيين مع منشور عرضته "رؤيا" على صفحة موقعها الإخباري في فيسبوك عما يحتاجون إليه من مبالغ نقدية لحل مشاكلهم المالية. وعلق ناشطون ....
تفاعل الآلاف من الأردنيين مع منشور عرضته "رؤيا" على صفحة موقعها الإخباري في فيسبوك عما يحتاجون إليه من مبالغ نقدية لحل مشاكلهم المالية.
وعلق ناشطون عبر صفحة رؤيا على الفيسبوك بإجابات متنوعة شملت الإجابة مباشرة على السؤال، وأخرى كانت إجاباتها غير مباشرة عن المنشور التفاعلي.
وجاءت الإجابات بين مبالغ معينة، وإجابات أخرى تحدثت عن غلاء المعيشة وارتفاع الأسعار في الأردن.
اقرأ أيضاً : حجازي: الحرب على الفساد بدأت عام 2005 بإنشاء "الهيئة"
وقال الناشط أحمد بني عيسى: "السؤال الاجدر الي لازم تسألو شو الاجراءات الي ع الحكومة اتخاذها لتحسين حياة المواطن؟ لانو مش قصه فلوس بس لانو الفلوس ممكن تروح بسرعه بدك حل جذري مثلا حل مشكله الاجارات ليش ما كل مدينه يعملو اسكانات تابعه للحكومه وسكنو هناس لانها من اكثر المشاكل الي بتواجه الناس اجار البيت شغله ثانيه خدمات افضل من تامين صحي شامل وخدمات تعليم مجانيه للمواطن الاردني وخدمات اخرى همه ادرى فيها ثالث اشي الجمرك تبع السيارات ينلغى او يكون اشي رمزي الضرائب اعاده التفكير فيها او الغائها هاي بعض شغلات حتى لو الرواتب قليله بكون في خدمات والناس بتعيش احلا عيشه القصه. مش قصه مبلغ القصه قصه حياه"
فيما عبر الناشط هاني العابد عن رأيهة بالقول: "ما بدنا مصاري بس حلو قضيه المتعثرين ويخلف عليكم إحنا كفلاء بعد توفيق الله نعمل مصاري بس نرجع على البلد وكفلين كمان نشغل جزء كبير من العاطلين عن العمل بالبلد"، أما الناشطة سجى المناصرة علقت بالقول: "الحمدلله مش ناقصنا كلشي رخيص بالأردن حتى كهربا ومي ما بخلونا ندفع مواصلاتنا ولا احلى من هيك والأسعار بمتناول الجميع عنا باص سريع الو 11 سنة الحمدلله دعس 15 وهو ما الو شهرين شغال شو كمان شو كمان كلشي تمام الحمدلله".
وقال الناشط عبدالله خروب ساخرا: "الحمدلله مش ناقصنا مصاري كل اشي رخيص بالأردن، حتى الكهرباء والمي ما بخلونا ندفعهم والأسعار بمتناول الجميع، حتى المواصلات ولا اروع عنا باص ع اساس انو سريع
الو 11 سنة تحت التنفيذ، الحمدلله دعس 15 وهو ما الو شهرين شغال كلشي تمام الحمدلله الامور تحت السيطرة"، فيما قال اسماعيل صالح: "الفلوس بتجيب حلول فردية ومؤقتة. اللي بحل مشاكل كل الناس هو ضمان العدالة والإنصاف والحياة الكريمة فقط".
اقرأ أيضاً : وضع جثة جنين داخل "كرتونة" في مستشفى البشير يثير غضب الأردنيين
وقالت آية راشد: "الحمد لله رب العالمين مش كل شي بالمصاري بنحل .. الحمد لله على الستر والصحه والعافيه والرزق بايد ربنا شو ما كان اهم شي نكون راضين "، وقال الناشط خالد صبيح: "والله البنك المركزي كلو ما بحل مشاكل عشر مواطنين من الخوازيق اللي اخذوها من الحكومة"، أما أم يزن القب علقت قائلة: "ما عندي مشاكل ولله الحمد وعمر الفلوس ما حلت مشاكل بالعكس هي سبب الخلافات والمشاكل زي ما قال المثل صاحب المال تعبان وقلت المال راحه".
أما سايد الردايدة فقالت: "مشكلتنا بالاردن معنويه اكثر منها ماديه المحيط بشكل عام سلبي المواطنين محبطين مافي شي يدعو للتفاؤل في دول فقيره مواطنينها فقراء لكن سعيدين نص يومك بروحه بالزحمه المرور والنصف الثاني بترتاح من ضفوطات الحياه عشان تقدر تكمل التنفس".
