Please enable JavaScript
Email Marketing by Benchmark
السيسي في تأكيده أمن مياه النيل: "اللي عمله ربنا مش هيغيره البشر" | رؤيا الإخباري

السيسي في تأكيده أمن مياه النيل: "اللي عمله ربنا مش هيغيره البشر"

عربي دولي
نشر: 2021-04-07 14:37 آخر تحديث: 2023-06-18 15:23
الرئيس المصري عبدالفتاح السيسي
الرئيس المصري عبدالفتاح السيسي

قال الرئيس المصري عبد الفتاح السيسى، على هامش افتتاح مجمع إصدار الوثائق المؤمنة والذكية، إن آية "وأعدوا لهم ما استطعتم من قوة ومن رباط الخيل"، الناس فاكرها القوة العسكرية بس، لكنه يشمل القوة الاقتصادية والثقافية والفكرية والمعنوية ده كله إعداد.. الدولة مش قدرة عسكرية بس.. دا قدرات متكاملة وبيسموها قوة الدولة الشاملة".

 

وحول قلق المصريين على المياه، قال الرئيس السيسي: "القلق بتاعكم مستحق ومشروع .. لكن يا ترى كل واحد قلقان على الميه حريص على المية، أنا قلقت على الميه من 2011، مبقتش ارتاح ولا اقدر أطمن من 2011 تحديدا من 25 كانون الثاني عرفت إن هايبقى عندنا مشكلة كبيرة قوى".

ووجه السيسى، رسالة إلى إثيوبيا بضرورة التعاون فى ملف سد النهضة، قائلا: "التعاون أفضل ونجرى مع بعضنا للتنمية.. أنا لمست خلال السنوات الماضية فى الأشقاء بأثيوبيا الشعور بعدم الراحة.. أنا بتكلم عن الرأي العام.. طب ليه؟.. احنا كلنا مع بعض، ولازم نتعاون مع بعض فى مفاوضات سد النهضة والقضية عادلة".

وأضاف الرئيس السيسى: "نهر النيل ده موضوع ربنا سبحانه وتعالى.. هو اللى بيعمله ومجرى المياه من عند ربنا.. وأنها توصل إلى مصر من عند ربنا.. ومصر لو كانت على ارتفاع مكنتش المياه هتدخلها.. واللي عمله ربنا مش هيغيره البشر".

وأكد الرئيس عبد الفتاح السيسى أنه سيظل يستخدم لفظ "الأشقاء" خلال حديثه عن أثيوبيا، متابعا: "كلنا متابعين .. ولسه هقول الأشقاء.. رد الفعل بتاع الأشقاء وتعنتهم فى مفاوضات سد النهضة.. لازم نتعلم من التحديات والمشاكل وشوفنا حجم تكلفة المواجهة.. أرجو أنه كلنا فى المنطقة يدرك حجم المواجهة.. هو انتوا مش شوفتوا مواجهة زي 62.. ومواجهة زي 67.. ومواجهة الأشقاء فى العراق وغيره وغيره.. التعاون والاتفاق أفضل كتير من أي حاجة".

أخبار ذات صلة

newsletter