أردني يلجأ إلى الفن لتشجيع الناس على ارتداء الكمامة.. صور

في خطوة تهدف إلى الى تشجيع الناس على اتباع إجراءات السلامة من فيروس كورونا المستجد، يرسم المهندس المعماري الأردني صالح منصور أعمالا فنية على الكمامة.

ومن الرسومات التي يخطها منصور على الكمامات المناظر الطبيعية من خط الأفق في عمان إلى الفاكهة والورود الملونة على الكمامات.

ويوضح في حديث لرويترز “اكتشفت انه في عنا الكمامات خامة مختلفة صعب الرسم عليها لكن بنفس الوقت هي خامة حلوة يعني كونها مرتبطة بالحالة الي بنمر فيها هسا بكل بساطة بلشت (بدأت) أرسم شغلات بسيطة شغلات الناس دائما بشوفوها بحياتهم سواء مدينتهم عمان أو شغلات بسيطة زي مثلا فواكة بكل بساطتها”.

وتابع “بعد مرور تقريبا 9 شهور على مرور الجائحة بشكل رسمي بالأردن أو من شهر ثلاثة أو اثنين، على حسب الدول، لغاية الآن في ناس مستهترة بموضوع الكمامة لغاية الآن في ناس غير ملتزمة بها الموضوع مع انه الحكومات كان خطابها واضح وبسيط، البس كمامتك، كمامتك سلامتك، تباعد اجتماعي، كل هاي الشغلات لكن يمكن في ناس ما عّم بتستوعب باستهتار هو بصراحة فكان أنا الي عّم بعمله انه أنا عّم بزيد على هاد الكلام أو بعيد صياغته بشكل فني”.

اقرأ أيضاً : الهياجنة يكشف موعد وصول مطعوم كورونا للأردن

وبدأ منصور في عرض أعماله على مواقع التواصل الاجتماعي والمنصات الإعلامية كوسيلة لتشجيع متابعيه على وضع الكمامات وكذلك لتوثيق ما يصفها بأنها حقبة فريدة من نوعها في التاريخ.

وقال منصور “بتعني لي كثير لأنها أهم اشي فيها انها خرجت بوحي ظروف صعبة عم بيمر فيها العالم أجمع قد يكون ما بعرف شو راح أعمل فيها ممكن أعمل فيهم معرض فني ممكن أعمل فيهم لوحات معينة لكن أهم اشي انهم مرتبطين بظروف معينة مرتبطين بحالة معينة عشناها حلوة أو بشعة هي ذكرى يعني هي بالآخر ذكرى احنا لازم نوثقها بأسلوبنا احنا كفنانين موجودين الان”.