الصورة أرشيفية
هل الأردنيون خائفون من الحجر أكثر من الإصابة بفيروس كورونا؟
اعتبر أردنيون، أن خوفهم من إجراءات الحجر بسبب فيروس كورونا، أكثر من خوفهم من الإصابة بالمرض نفسه سيما مع تعافي معظم المصابين من هذه الجائحة وعودتهم لحياتهم الطبيعية.
وفي إجاباتهم حول سؤال طرح عبر صفحة "رؤيا الإخباري على فيسبوك مفاده "هل أنتم خائفون من "مرض الكورونا" أم من "حجر الكورونا"؟" تنوعت تعليقات الأردنيين.
لكن معظم ردود الأفعال والإجابات، اتسمت بخوفها من الحجر والإغلاقات بسبب كورونا أكثر من الإصابة بالمرض بحد ذاته.
وأجاب الشاب قيس قاسم قائلا " خلص رح يصير من حياتنا الطبيعيه الموضوع ما في داعي لترويع والهلع الكل يلتزم بالوقايه من كمامات وقفازات وتباعد الحياه لازم نتعود عليها هيك العمل يمشي والحياه تعود".
وكانت إجابة شاديا حداد على السؤال قائلة " طبعا من حجر كورونا لانه بصراحة مستقبل ولادنا عم بضيع والغلا عم بزيد ما بدنا حجر".
فيما كتب الشاب سليمان الوادي " خايفين من الناس يلي حاطه حجه كورونا ونازله فينا طحن وسرقه".
وعلق خالد البدور قائلا " خايفين من التخبيص في القرارات والتصريحات المعاكسه للواقع وشغل المجاكره بين المسؤولين".
وكتب زيد الفاعوري " في دول أوروبية بتتعايش مع فايروس الكورونا ليش بالاردن عاملين هلع للناس هذا بسبب الإعلام ماعندهم اخبار غير الكورونا المفروض نتعايش مع الفايروس لانه هذا الفايروس مش رايح ينشف ويموت".
وكتبت عرين أبو عليا " إحنا خايفين من اجراءات الحكومة الي مش عارفة تتصرف لا مع الشعب ولا مع الكورونا".
فيما كتب محمد درويش " بطلت تفرق الحكومة من الأساس ليش تحجرنا وتكلفنا وتخصم من رواتبنا وتخرب بيتنا مدام فتحوا كل شي وبدهم ايانا نتعايش مع الوباء وكانوا مفهمينا إنه سلامة المواطن اهم شي وفعلا هسا المواطن سلامتك".
