صورة من الفيديو
أردنيون عن "التشحيط والسباقات" في دير غبار: "بطلعلهم".. فيديو
أثار فيديو نشرته "رؤيا" مساء الثلاثاء، عن التشحيط والسباقات في الشارع العام بدير غبار، استياء وتعجب الكثير من رواد موقع التواصل الاجتماعي، كونها منطقة سكنية وطرق رئيسية، وغير مصرح بعمل السباقات فيها.
النشطاء انتقدوا ما وصفوه بـ "ضعف" التعامل الرسمي مع هذه الحادثة رغم تكرارها، وتصويرها على الرغم من ضبط المخالفات المماثلة لها في أكثر من منطقة أخرى، اذ يعلق أحدهم بقوله:"هدول الطبقة المخملية بطلعلهم"، في حين طالب آخرون بتكثيف الرقابة على مثل هذه الأمور المتهورة خاصة في المناطق السكنية، لما تشكله من خطر على المواطنين ورواد الطريق .
يأتي هذا في الوقت الذي اشتكى به مواطنون يقطنون منطقة دير غبار بالعاصمة عمان، من توافد سائقي المركبات والدراجات النارية مساء كل خميس في المنطقة، محولين المكان إلى ساحة مفتوحة للسباقات المجنونة، وفق وصف المواطنين.
من جهته، يقول أحد سكان المنطقة في الشكوى التي وصلت "رؤيا"، إن المنطقة مأهولة بالسكان والعائلات والاطفال، ويقوم أصحاب المركبات والدراجات بتنظيم سباقات و(تشحيط) في وقت متأخر من الليل، بالاضافة الى أصوات الضجيج والموسيقى التي تؤرق راحتهم.
وتالياً أبرز تعليقات الأردنيين على "التشحيط والسباقات" في دير غبار:
Alaa Abukaff: ربي يقويهم مباحث المرور وادارة السير... بس يمسكوا الواحد يصير مثل البس والله هذول مصدر قلق وازعاج حسبي الله عليكوا قال فلان صار معه حادث سير وراكب دراجه الله لا يقيم عنكوا شده
Hani Jamil Al Mhairat: مين يقدر يحكي كلهم ذوات من كوكب آخر كلشي مسموح الهم
ابو يزن الملاحمه: مين ساكن في دير غبار الذوات وأولادهم والباقي عندكوا
Mahmoud Al Tarawneh: جماعه دير غبار الله يعينهم نايمين. عشان يسرو على وظايفهم. مش ملحقين مصروف العيال واجار البيت
بلال الحوامده: خليهم لا تنكدو عليهم معاهم مصاري زياده احسن ما يتعاطون مخدرات.. بدي انام عندي دوام بكره اللهم لا حسد
Omar Waeel: و الله منا عارف يعني انا مشتري دراجه ب ٤٠ الف عشان أصفها في البيت لا تنسى اني دافع ٨ الاف جمرك ع كل دراجه ??
Dania Qarqash: وعطريق المطار نفس الشيء واسواء ولا دير غبار عيب يصير فيها وباقي المناطق عادي ?
Mohammad Almanfaloty: شو بدكم فيهم يعني وين يروحو يعني هو في متنفس للشباب غير الشوارع ?
الحمايده فاتن: اذا ع التشحيط ويعرض روحه للخطر بسيطه بس ما بتشوفو شوفيريه الباصات يلي بكون محمل فوق حمل الباص كمان حمل وبعرض روح تقريبا 40_45راكب للخطر وهوة مستعجل ع الرزقه ما بعرف انو ممكن قبل يصل الشي يلي طاير عشانو ممكن الله يوخدو ويتقلد خطية كثير من الاسر
Ali Ahmad: بتشاطرو عالسيفيا والافانتي والبي ام الزعرة عنا بس هذول اللي بالفيديو ما حدا بقدر يحكي معهم
Ahmad Hammad: ياعمي هذوول ولاد غرب عمان وعبدون وجماعتها مش زيينا ??
مظهر عكاليك: بصفتي الناطق الإعلامي الرسمي لجمعية المفحطين في الاردن استنكر هذا التفحيط وانهم لا يمثلون المفحطون الأصليين
وائل ابوعليوه: والله انو ازعاج مدير السير لازم يوضع حد صارم
