هل يكفي "الراتب" لنهاية الشهر عند الأردنيين؟ 

اقتصاد نشر: 2019-07-20 18:13 آخر تحديث: 2019-07-20 18:14
عملة أردنية
عملة أردنية
المصدر المصدر

تفاعل العديد من مستخدمي مواقع التواصل الإجتماعي في الأردن، رداً على سؤالهم حول كفاية الراتب لديهم لنهاية كل شهر.

وتعددت أراء الأردنيين بين من يشتكي من نفاد الراتب في بداية الشهر أو حتى أوسطه قبل قدوم نهاية الشهر.

بينما رأى آخرون أن رواتبهم تكفيهم، وتكفي لسير حياة طبيعية، دون المساس بالمكاليات أو حتى الوصول لجزء من الرفاهية.


اقرأ أيضاً : ما هي أعراض "انتهاء الراتب" عند الأردنيين؟


وفي السياق، اعتبر أردنيون أن الراتب لا يكفي لسد مستلزمات الحياة خلال الشهر، سواء من سداد فواتير الكهرباء والماءن أو كلفة استئجار المنزل، وصولاً الى أقساط القروض وغيرها.

وتالياً أبرز تعليقات الأردنيون بعد سؤالهم: "بصراحة .. هل يكفي راتبك لنهاية الشهر في الأردن؟":

Sana Mostafa : يمكن يكفي واحد ما عندو ايجار بيت، بس يلي عندو ايجار بيت وما عندو سياره بدو كل يوم مواصلات لااااااااا، لااااااا لاااااااا. والله العظيم ما يكفي يا حسره.

نزيه المعايطه: بصدق انه بضل منه ومرات بحط بالمسجد لله الحمدلله نعمه الله يديم علينا هالنعمه.

Reema Ghaith: الراتب تمسكه باليمن بتسلمه بالشمال ، احنا بنشتغل. عشان نجيب مصاري عشان تاني يوم نطلع ع الشغل .

Amal S Alzoubi: من اول 5 ساعات استلام بخلص.

Rosh Alrawashdeh: بتقدر تحكي بنتهي ببداية اليوم الي بنستلمو فيه.

اميره باخلاقي: والله العضيم راتبي سداد للبنك وبضل منه 4 دنانير راتبي 240دينار لاكن الحمد لله على كل حال.

Ahmad Dmour: وتخيل بنوفر منه يعني جد مغرقينا كثير والاسعار رخيصه وفش ضرائب تخيل اغلب اكلنا لحمه والزيت والزعتر بنشوفه بكتاب العلوم بس.

Abdullah M Majali: حاليا الراتب ما بنحسب بالايام صار ينحسب بالشارع ?، يعني اذا مريت من الشارع الي في المحلات الي بتدين منها بروح من اول يوم بس اذا غيرت طريقك بقعد يومين ثلاث.

بسام الفواعير ابوسند: بنستلم الراتب 25 الشهر وبتضل تصرف فيه وتتهاوش انت والراتب وانت والمره وانت والاولاد وانت وتبع الدكان لما يصير 30 من نفس الشهر يعني يستمر حوالي 5 ايام بين مد وجزر وبعدين تبدأ المأساه .. اللي هي .. كيف بدك اتدبر حالك للراتب الثاني ومين هو الحبيب اللي رح يداينك وهكذا هي حياة الاردني الملطم المسخم.

Faten Al-zaidat: للي ماعنده اجار بيت بكفي لكن مع الإيجار صعب وصنفت عمان من اغلى المدن وحجم الدخل ما يساوي الإنفاق حتى الطبقه الوسطى بلشت تختفي يا غنى كتير او فقير.

Khaled Abd Al Rahman: بزيد منه تقرييا اكثر من النص .. يعني لازم ينعمل علينا ضرايب وخصم من الراتب لانه بصراحه الموضوع زاد عن حدو قرفنا اشي اسمه مصاري وفلوس رفاهية زايده مش منيحه.

Abdallah Moh'd: لا والله ما بكفي ، والاولاد عاطلين عن العمل وراتبي اصلا راتب تقاعدي، والحمد لله اشعر بالبركة والرضى لان هذا رزق مقسوم علمل انني لا اتوقف عن السعي لتحسين وضعي ولكن للاسف ، الحياة بالاردن متجمدة.

الفاعوري وصفي: الرواتب بالنسبة للمصروف الشهري لا يساوي 10%...يعني دبر حالك 90% الباقين. .نحن المغتربين نقول ننزل على الاردن زيارة ومعنا الف أو ألفين دينار بكفوا؟!!!بتتفاجى انك تستعمل فيزا كارت بعد ثلاث أيام ....وصلت المعلومه.

Ghadeer Nader: الكل ماشالله صار الراتب مكفيه وقنوع وراضي.. الله يسمعنا الاخبار الطيبه.. بس ماتشوف الحكومه هالتعليقات ليقومو يفرضو علينا ضرايب تانيه.

Basemah Mostafa: الكل مكفييه الراتب!!! انا بقترح على الحكومه ما دام وضع الراتب مستتب انهم ما يزيدوا الرواتب ولا يعطوا علاوات ولا حوافز ولا ساعات اضافيه.

Um Ayham: نحمد الله ونشكره.. نعم يكفي وزياده.

Kefaya Khader: حرام عليك ضروري تذكرنا بالاسى نفسي اشوفه اشوفه يوم.... دائما وابدا الحمد لله.. نصيبا هذا نعيش ونحلم بالراتب.. في أردننا الأبي.

Mohammed Ahmad: يا زلمه اكتب بصراحه هل بستلم راتبك كامل من البنك مهو نص راتبك بروح قرض للبنك وشو بدو يكفي نص ثاني اجار بيت ولا شو انا ٢٠٠ دينار قرض بنك ضل ٢٥٠ شو بدهم بكفو لسا بيتي ملكي انا ناس غيري افرض اجار ٢٠٠ شو ضل منو.

أخبار ذات صلة