مع اقتراب شهر رمضان المبارك، ينتظر الأردنيون قرار مجلس الوزراء بتحديد أوقات الدوام الرسمي، خلال الشهر الفضيل. وفي الأعوام السابقة كانت تحدد الحكومة ....
مع اقتراب شهر رمضان المبارك، ينتظر الأردنيون قرار مجلس الوزراء بتحديد أوقات الدوام الرسمي، خلال الشهر الفضيل.
وفي الأعوام السابقة كانت تحدد الحكومة أوقات الدوام الرسمي في رمضان، بين الساعة العاشرة صباحاً وحتى الثالثة عصراً.
ولدى استطلاع آراء الأردنيين عبر مواقع التواصل الاجتماعي عن العطلة، عبر العديد من الناشطين عن رغبتهم في تحديد ساعات دوام أقل، بل فضل بعضهم اعلان رمضان عطلة.
وتالياً أبرز ردود الناشطين حول أوقات الدوام في رمضان:
Alaa Albedor : من 11 لل1 ممتاز.. وضاعفوا الرواتب في رمضان زي ما بتضاعف الاجر فيه، واذا لغيتوا الامتحانات لاولادنا بتكونوا هيك فضلتوا على جدود جدودنا.
Meera Ahmad : هكلانين هم الدوام برمضان ،،والمسلمين كان أغلب غزواتهم وفتوحاتهم برمضان وكانت الأجواء حارة، اذمن هلا هكلانين هم رمضان والدوام انتو ما بتتعبو قد ربع إلي بتعبوه المسلمين زمان،،،،كلها قعده ع الكرسي لا اكثر ولا اقل مش هالشغله الصعبه،، كله شهر سريع خفيف لطيف ، الافضل أنه ندعي اللهم بلغنا رمضان لا فاقدين ولا مفقودين، واللهم اعنا على صيامه وقيامه.
Mohannad Alhadidi: يبدأ الساعه 5 عصراً ويتنهي 5،10 برضه عصراًايه المشكله يعني.
Oroub Al Swity: انا بفضل انو ما يبدأ الدوام اصلا.
اقرأ أيضاً : فلكي سعودي يتوقع موعد بداية شهر رمضان وعدد أيامه
Yunes Moghrabi: انا بقول نداوم من 6:00 فجراً حتى ال9:00 صباحاً وبعدين من ال3:00 عصرا حتى ال6:00 مساءاً.
تمارا قنديل: بفضل يكون عطلة لانه كتير بتدايق لما طلاب المدارس والجامعات بتنكدوا لما يجي رمضان وهم عليهم امتحانات والي المفروض يكون رمضان شهر طاعة وعباده وسلام صاروا يستقبلوا ب التأفف والثقل.
Khaled Odetalla: انا يقترح يكون عطله كل شهر رمضان. .لأن الإنتاجية عند 90 %من الموظفين صفر على الأقل بنوفر كهرباء للمكيفات في المكاتب وتوفير بنزين وديزل للسيارات الحكوميه اللي طول نهارها مشاوير عالفاضي وأخيرا التقليل من أزمة المرور.
أحمد سعد العبادي: ترا رمضان شهر عباده مش شهر كسل ... يعني شو فيها لو تأخر الدوام الصبح نص ساعه او ساعه وتأخر الشخص بالعمل مقابلها أخر النهار ... النهار طويل ما عليه خوف ... لكن ان يصبح هذا الشهر شهر كسل ما بيصير والله.
Ghaith Al-okour: انا بحكي بلاش دوام برمضان لانه شهر عباده ههههههههه.
Raghda Al-Rantawi: طول الليل مسلسلات وطول النهار نايمين قال يعني بدها الناس تتفرغ للعبادة يا رب يداوموا كل الناس من ال6 الصبح لل4 المسا.
Saleh S. Al Khateeb: تبدأ الساعة 12 ظهرا وتنتهي الساعة 1 ظهرا + 1 كيلو قطايف عصافيري واحنا مروحين كهدية رمضانية .
Nisreen A. Hatamleh: يفضل يكون دوام عادي من 8:30 لغاية 1:30 لانه بالنسبة النا سيدات بنشتغل بفرق معنا كثير هذا الوقت ، اما من الساعة 10-3 هذا جدا متعب التوقيت للسيدات واعتقد للرجال اللي زوجاتهم ما بشتغلوا بكونوا بحاجة انه ازواجهم يروحوا بكيرا حتى يساعدوهم باحتياجاتهم اليومية.
