مراحل تطور الطفل بعد ولادته

رؤيا - د. معتصم مسالمة - كلنا منحب و لادنا و منكون عم نراقب حركاتهم وتصرفاتهم من لحظة ما بولدوا و مننبسط كتير لما يبدا ابنا يضحك، يحبي ، يحكي و يمشي بس كل مرحلة من مراحل نموه بتحمل معها مهارات معينة لازم يكتسبها الطفل ( وهون عم نحكي عن مهارات مختلفة متل : المهارات الاجتماعية ، العاطفية ، مهارات الاتصال ، المهارات العقلية و أخيرا المهارات الجسدية) : على عمر الشهرين : لازم يضحك ، يطلع بأهلو ، يلتفت لمصدر الأصوات ، يصدر أصوات من فمو ، يطلع على الوجوه و يراقب حركات الناس ، يحرك إيديه و رجليه و يقدر برفع راسو لما ينام على بطنو. على عمر 4 أشهر : يضحك بوجوه الناس غير أهلو ، يبدا يتأقلم لما الناس بلعبو و يبكي لما يوقفو لعب ، يقلد اصوات ضحك الناس ، يلحق صوت المتكلمين ، بيعبر بالبكاء غن شغوره بالألم أو الجوع او العطش ، بيعبر بملامح وجهو عن حزنو أو سعادتو ، بيجاول يمسك الألعاب و يوصللها ، بيوظف ايديه و عيونه لما بيلعب ." طبعن بالاضافة للمهارات اللي بعملها بالمرحلة السابقة". على عمر 6 أشهر : بيبدا يميز الوجوه الغريبة عن بيتو ، بيصير يميز حالو إزا اطلع على المراية ، بيصير يطلع أصوات أو احرف فردية متل : أوه ، إي ممم بب ... ، بيصير يميز اسمو لما ينادو عليه ، بيحرك الاشياء من ايد لإيد و بيصير يحرك ايديه باتجاه تمو ، بيصير يلف من بطنو لضهرو و العكس ، بيحاول يتوازن إزا وقفو على رجليه. على عمر 9 أشهر : بيميز أهلو منيح و بيخاف من الغربا ، بيكون عندو ألعابو المفضلة و بيحملها ، بيقدر يأشر بإصبعو على أشياء مختلفة ، بيحاول يحكي بابا ماما ، بيدور على الاشياء لما يخبوها وراهم ، بيفهم شو يعني لأ أو نو ، بيقعد لحالو و بيحبي. على عمر السنة : يخاف من الوجوه الغريبو ، بيبكي لما بيروحو أهلو و بيتركو ، بيكون في أشخاص مفضلين الو بالعيلة ، بيقلد الاصوات ، بيحرك ايديه و رجليه ليساعد اهلو لما يبدل ملابسه ، بيهز راسو إزا بدو يحكي لأ او بيأشر بإيدو لعبر عن "باي باي" ، بيرمي الاغراض على الأرض ، بيمسك الكاسة ليشرب او فرشاة الشعر ليمشط ، بيحاول بوقف لحالو إزا استند على كرسي أو ما شابه. على عمر سنة و نصف : بيمشي لحالو ، بيحكي بابا أو ماما ، بيمسك الكاسة و بيشرب لحالو او المعلقة لياكل ، بيحمل ألعابو و بعمل حالو بينيمها ، في أغلب الاحيان بيقدر يأشر و يفهم أجزاء الجسم. على عمر السنتين : بيلعب مع الاطفال اللي من عمرو و بينبسط ، بيقلد اللي اكبر منو ، بيحاول يعمل الاشياء اللي بيمنعو اهلو عنها ، بيميز اسماء الاشخاص ، بيأشر على الصور بالكتاب او أجزاء الجسم لما تنحكالو ، بيحكي جمل قصيرة من 2-4 كلمات ، بيفهم التعليمات البسيطة ، بيميز بعض الاشكال و الالوان و انواع الحيوانات ، بيحاول يدور عالاشياء المخبية ، بيلعب بالكرة ، بيركض و بيقفز و بيوقف على أطراف أصابع القدمين. على عمر 3 سنين : بيظهر مجموعة واسعة من العواطف كالحزن عند رؤية بكاء صديقه ، يميز بين امه و أبوه ، بيقدر يلبس لحالو ، يسمي الاشايء المألوفة ، بيميز الاماكن متل فوق تحت ، بيحكى اسمو الأول و عمرو ، بيفهم شو يعني مسكر و بيحاول يفتحو متل قفل الباب ، بيحاول يتصفح صفحات الكتاب ، بيحكي جمل مترابطة. على عمر 4 سنين :بيتفاعل مع الوجوه الغريبة خارج نطاق المنزل و المألوف ، بيقدر يمسك القلم و يرسم خطوط و جسم انسان بسيط ، بيحاول يبتكر العاب جديدة ، بيفهم و بيميز الجنس "بنت ولد " ، بيغني مقاطع من الاغاني السهلة المالوفة ، بيحكي اسمو من المقطع الاول و الاخير ، بيفهم فكرة عد الارقام ، بيفهم فكرة "متشابه مختلف " ، بيتزكر مقاطع من القصة ، بيقدر يلعب على الدراجة من 3 عجلات. على عمر 5 سنين : يفهم القوانين و يطيع والديه ، يحب الغناء الرقص و التمثيل ، يتعاطف مع الآخرين ، يتكلم بشكل واضح و يقوم بسرد القصص ، يدرك العناوين ، يقوم بالعد لل 10 ، يحاول رسم الاشكال الهندسية ، يميز الامور اليومية كالمال و الطعام ، يستطيع استخدام الحمام لوحده.