حمو بيكا عن حياته العملية: "طول عمري شقيان"

نشر مغني المهرجانات الشعبية حمو بيكا، صورة عبر صفحته الشخصية على موقع التواصل الاجتماعي "فيسبوك"، تجمع بين إحدى المهن التي كان يعمل بها قبل أن يدخل مجال غناء المهرجانات.

اقرأ أيضاً : حمو بيكا وحسن شاكوش يؤديان العمرة

وأرفق حمو بيكا الصورة المجمعة بين الماضي حيث كان يعمل في مجال البناء، والحاضر، منشورا قال فيه: "ما بين الصورة دي ودي 14 سنة، بحمد ربنا على اللي وصلتله، طول عمري شقيان موصلتش لأي حاجة بالساهل، اشتغلت جزار، نجار مسلح، سواق توك توك، دول أشهر الحاجات اللي كل الناس تعرفها، أما باقي الشغل أي حاجة تتخيلها اشتغلتها وأنا عندي 12 سنة.. المضمون أسعى يا عبد وأنا أسعى معاك، الحمد لله نعمة ربنا كبيرة".

وسبق أن أصدرت نقابة المهن الموسيقية بيانًا، أعلنت من خلاله إيقاف عدد من مطربي المهرجانات الشعبية، لحين تقنين أوضاعهم وأوراقهم، وكان أبرزهم: حمو بيكا، حسن شاكوش، حمو طيخة، الزعيم، مجدي شطة، عنبة، مسلم، وغيرهم.

اقرأ أيضاً : ماذا قال حمو بيكا عن حصوله على الدكتوراة الفخرية من الإمارات؟

وقال حمو بيكا اعتراضًا على قرار الموسيقيين بإيقافه، من خلال بث مباشر على حسابه الشخصي على "فيسبوك": "مصر بتاعت كل مصري مش أم كلثوم وعبد الحليم بس، أي حد يحمل هوية مصرية فهي بلده، ليه نغني برا مصر، هي اتعملت ليكم أنتم بس، العصر بتاعكم عدى وفات، وفي التقييم بتاع اليوتيوب احنا مكتسحين، مفيش غير تامر حسني وعمرو دياب وحماقي والباقي كله مهرجانات".

وأشار حمو بيكا: "بدل ما أنتم قاعدين تعملوا ندوات وخاربين الدنيا، سيبوا الناس تشتغل، ما احنا قعدنا 3 سنين أيام كورونا مكنش فيها شغل وقعدنا في بيوتنا، سيبونا ناكل عيش، ربنا اللي بيرحم ولازم يا عبد أنت كمان ترحم، في ناس أصواتها لا تصلح وحملوا كارينه النقابة".